|
|  上星期同nuts米神龍友團去影夜景,感覺良好~
xanga頭像係事後糖水被人一攝,難得我既食相係見得人XD
 原本已經好手緊既年尾,今日收到學費單個銀碼比之前暴增
果下真係心痛死我...唉...出雙糧之前都係要節衣縮食...
之前應承左茶hi去睇mono,睇黎都係要放棄睇muse...
 其實最近我既心情好複雜,擔心自己被一時既錯覺所迷惑
但我控制唔到自己去諗...唯有盡量靠理智去戰勝吧...
| | |
| 近來身邊擁有DSLR既朋友越黎越多了
話說我部用左近5年既SONY M1最近終於壽終正寢...
雖然年尾手緊得很(唉T-T)...但仍然想買部相機...
朋友們就不斷游說我買DSRL...
可能本身鍾意畫野(雖然技術唔好)
所以對攝影之類既畫面表達方式係有興趣的
但對於機器白痴既我黎講,面對一大堆專有名詞同一舊二舊既野
總覺得好吃力...所以都係買部DC仔玩下吧...
最近打算買S90,唔知有冇人知邊度平呢?
 最近我發生左不如意既事,好多人都知道吧...所以都不多講了
不過呢度作為BLOG,總要留片言隻字
因為即使已成過去,即使結果並不如我所希望...
對於我都係其中一樣重要既回憶
好奇怪...我前幾日開始竟然因為一句說話而諗到而家
我喜好冇惡意地去猜度別人既想法
但純粹講感應,直覺的話,其實我係好差的...
都係要面對面先見真章吧 | | |
|  最近都冇咩係xanga講講自己既近況,其實都不外乎番工,番學
今個sem既堂上氣氛更緊迫,因為好多野都要係課堂上面完成
樂觀地諗就係唔駛考試,都好啦
 最近終於的起心肝去搞搞棚牙,雖然我身邊好多人都不以為意
認為我冇咁既需要,但我諗只係因為佢地睇慣左...
不過因為個牙醫好好生意,要排到下年先剝牙上箍
呀...其實我咁大個人都未剝過牙(大概係因為唔鍾意甜食既關係)
其實真係有d淆底...
 秋風送爽,呢幾日既天氣真係好正
其實到10月初果陣我真係好擔心今年秋天會唔涼
(因為中秋都仲幾熱....)甚至冬天會唔凍
事實上今年既秋意比去年來遲了,冬天凍唔凍就真係要遲d先知
扮晒野都要講句,如果有同感的話,請珍惜環境,留住未來既冬天吧~
| | |
| 總算係11月之前完成遊記了,否則我係FB承諾既切J懲罰就要執行了XD
另外加左少少後記感想
DAY5
布吉團既最後一天
一起身又黎早餐時間,諗番其實我地呢個團每日都有食酒店早餐
可能因為最後一日要食盡佢,大家都食得好豐富...
 
連食左4日早餐既酒店餐廳
  
食好早餐,大致收拾好行裝
離check-out仲有d時間
男團員亦趁此係酒店游池臨別日光浴一番
  
尾行跟蹤狂三人組
時候差不多,大家各自回房收拾所有野就集合,準備check out去Jungceylon
(即係day1去果個商場)作買手信既最後衝刺
 
左-check out前最後一攝
右-篤篤上尾二一攝
到達Jungceylon,第一時間去搵林珍香
各團員狂風掃落葉式買左一大堆乜乜乾物物乾
之後就去家樂福(好懷念,香港已經冇左T_T)
亂掃一堆二堆零食做手信
講到好似好快咁,其實人生路不熟之下,腳程用左D時間架
買好手信之後時間都所剩無幾了
(因為約左車黎酒店接我地去機場)
再加上係最後一日兼買埋手信,手上既銀彈(泰銖)亦快油盡燈枯了
於是大家就係又平又快既KFC享用布吉既最後一餐
 
其實味道同香港的差不多,我記得好似係辣DD
臨番酒店前亦有幾攝,以下有一張係有特別意思的
  
話說有人今朝好棧鬼咁係酒店泳池COSPLAY左其中一張相...
但為左保住我既小命,各位都係無緣欣賞了:P
最後一次搭篤篤 - 回酒店了
 
左-篤篤最後一攝
右-篤篤上既宣傳廣告..後尾係某舊同學FB見到佢D騎象相,好似幾好玩咁
回酒店等車黎果陣又影左好多無聊野打發時間
  
左 - 戰利品
中 - 大家正在溫習DAY3既潛水手勢
右 - 車黎了,酒店裡面最後一攝
我地又番黎踏足布吉既第一個地方 - 機場
回想起幾日前大家懷住興奮又期待既心情踏入機場,準備享受幾日既閒適
而家一黎就代表我地就快番去勞碌又困迫既現實之中,不禁悲從中來T_T
悲哀的柱男肥丸
 
左 - 一諗到要番工個個都DUP晒頭
右 - 睇番前幾日D相就知呢張笑得幾無勉強orz
3個多小時既機程轉眼即逝(因為我訓左= =)
我地從藍天碧海番黎陣陣寒風(時值12月)既香港了
機場亦新添幾日前未見既聖誕裝飾
如此一來,今次NUTS布吉之旅亦正式結束
最後附上香港機場合照一幅
後記
1)首先多謝肥丸同淇哥包辦所有行程安排,帶比我地充實而悠閒既幾天
同各位係旅程上既照顧,呢幾日真係玩得好開心
2)另外少少有感而發
大家都知道之數年前既南亞海嘯吧,我地去既巴東就係首當其衝既地點之一
當時睇新聞雖然都感到難過,但事實上唔係真係有好深感受,極其量都係捐左D錢而已
但當個人黎到巴東
美麗既海岸,和煦既陽光,溫軟既細沙,閒躺著太陽傘同長椅
實在不能想像呢度就係當時電視所見既屍橫遍野,頹垣敗瓦之地
人間天堂一下子變成人間煉獄
聽落好似好無常,但巧合既係我前排睇左一個介紹格陵蘭冰山既節目
(真係好巧合,因為大家應該知我好日都唔睇一次電視)
南亞海嘯既成因同冰川融化有莫大關係
全球暖化令冰川融化就不用多講吧
自問並非環保份子
不過我好討厭人浪費
用餐過後,起碼有一半既食物被遺棄係檯上面
明明水喉壞左,一噤就長開,明明隔離遠少少果個冇事都唔用,又唔搵人整
(最後我特登關左壞果個水喉既大掣,先有人換左佢)
成封E-MAIL,冇圖,得個收件人個名有顏色,都要用COLOR PRINT
明明唔駛出街,淨係比自己睇既文件都要用新紙
用完D膠FILE隨手就掉左去,去囉個新既
(以上全部都係我日常見到真事)
可能我咁講會比人覺得我假正義
但我覺得總比以上折墮既行徑來得要好一點
過份既浪費,可能不久既將來,連想再去陽光與海灘既機會都冇了
3)最後多謝成日催槁既朋友們,其實我喜歡寫文章的(雖然個人冇咩墨水)
雖然唔知催完係咪真係會睇,不過總算帶比我完成既壓力......係動力先岩XD
| | |
|  相信大家都知我前日入廠了
其實TOUCHWOOD我冇咩事(暫時)
多謝大家關心-3-
今日晏D應該可以出院了~
| | |
|
